Спорт: Омадбек Отабеков Осиёда тенгсиз
Малайзияда таэквондо WТ бўйича ёшлар ўртасида Осиё чемпионати якунланди. Қувонарлиси, Ўзбекистон терма жамоаси ушбу мусобақада 1 тадан олтин, кумуш ва бронза медалини қўлга киритди.
Аниқроғи, Ўзбекистон ёшлар терма жамоаси аъзоси Омадбек Отабеков 59 кг.вазн тоифасидаги жангларда барча рақибларини мағлубиятга учратди ва олтин медалига эга чиқди. Шунингдек, Омадбек йигитлар ўртасида мусобақанинг энг яхши таэквондочиси, дея эътироф этилди.
Эслатиб ўтамиз, куни кеча терма жамоамиз ҳисобига Аҳаджон Мухторов кумуш, Гулзора Амирова эса бронза медалини тақдим этган эди.
Бугун 27 июль куни ўсмирлар ўртасида қитъа чемпионати бошаланди.
Жавоҳир Тошхўжаев, ЎзА