Германиянинг бир қатор шаҳарларида давом этаётган XXXII Бутунжаҳон ёзги Универсиада ўйинлари кескин ва муросасиз ўтмоқда.

Мусобақанинг академик эшкак эшиш бўйича аёллар яккалик баҳсларида ҳамюртимиз Малика Тагматова саралаш ва чорак финал беллашувларидан муваффақиятли ўтди ва бугун, 26 июль куни финал йўлланмаси учун курашадиган бўлди.

Шунингдек, бугунги мусобақаларда спорт гимнастикасининг отда машқ бажариш йўналишида Равшан Комилжонов медаллар учун кураш олиб борса, дзюдочиларимиз жамоавий беллашувларда, енгил атлетикачиларимиз эса бир қатор йўналишларда иштирок этади.

Эслатиб ўтамиз, Ўзбекистон спорт делегациясининг медаллар сони 3 та олтин, 4 та кумуш, 7 та бронзани ташкил этмоқда.  

Жавоҳир Тошхўжаев, ЎзА