Халқимиз тарихда "ўзбек халқи - болажон халқ" деган тариф билан ном қозонган. Зеро, Иккинчи Жаҳон уруши вақтида ўзбек халқи 250 мингдан зиёд етим болани ўз бағрига олади. Бугунги кунга келиб бағрикенглик билан миллатига қарамасдан бир бурда нонни 16 болага бўлиб берган Шомаҳмудовлар оиласи ҳақиқий қаҳрамонга айлангани бежизмас.
Бугун ўзимиздан, ўзлигимиздан бироз узоқлашган халққа айланаётганимиз нишонаси ўлароқ имконсизликдан, меҳрсизликдан ўз жонига қасд қилаётганлар ҳақидаги хабарлар кўпайиб бораётгани ачинарли ҳол. Хоразм вилоятида икки ўсмир қизнинг юқори қаватли бинодан бир-бирларини қучоқлаганча ўз жонига қасд қилишгани ҳақидаги хабарни ўқиган инсон борки, юраклари ларзага келди. Бу воқеанинг энг даҳшати шундаки, ўсмир қизлар юқори қаватли бинонинг томида соатлаб ўтиришсада бирор кимса "ҳой, бу ер хавфли қизим, ўзингни эҳтиёт қил..." демаган, ҳеч бўлмаса давлат қутқарув хизматига ҳам хабар бермасдан, аксинча қўл телефонига суратга олишда давом этишган.
"Шахсий мулоҳаза" лойиҳасининг бу галги сонида фалсафа фанлари доктори, профессор Жамила Шермуҳаммедова бугунги лоқайдлигимиз, эътиборсизлигимиз оқибати - жиноятга олиб келиши ҳақида ўз шахсий мулоҳазаларини билдириб ўтдилар.
<iframe width="650" height="420" src="https://www.youtube.com/embed/L9NS6sA3FZ8" title="Jamila Shermuhammedova: "Loqaydlik va e’tiborsizlik oqibati - jinoyat"" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Нишонбой Абдувоитов (видео), ЎзА