Poytaxtimiz Toshkentdagi "JAR" sport-sog‘lomlashtirish sport majmuasida kurash bo‘yicha O‘zbekiston Respublikasi Ichki ishlar vaziri kubogi bahslarida tizimda mehnat qilayotgan kurashchi xodimlar 7 ta vazn toifasida g‘oliblik uchun bahs olib bordi.

Murosasiz bellashuvlar natijasida o‘z vazn toifalarida Asadbek Obidov, Bobur Vadjiyev, Maqsud Ochilov, Muhammad Jumayev, Husniddin Mamajonov, Alixon Nodirov, Shermuhammad Jandriyev va Shohrux Baxtiyorov g‘oliblik shohsupasiga ko‘tarildi.

Medallar jamg‘arish borasida Toshkent shahar Jazoni Ijro etish departamenti jamoasi yetakchilikka erishib, O‘zbekiston Respublikasi Ichki ishlar vaziri kubogi sohibi bo‘ldi. 2-o‘rin Surxondaryo viloyati Ichki ishlar boshqarmasi kurashchilariga nasib etgan bo‘lsa, 3-o‘rinni Toshkent viloyati Ichki ishlar boshqarmasi vakillari qo‘lga kiritdi.

T.Ro‘ziyev, O‘zA