“Freestyle Chess Grand Slam Las Vegas” турнирининг ортда қолган чорак финал ўйинларидан сўнг Нодирбек Абдусатторов ва Жавоҳир Синдоров 3-ўрин учун курашни давом эттирадиган бўлди.

Кеча ўтказилган чорак финал ўйинида Нодирбек Абдусатторов ҳиндистонлик Аржун Эригаисига, Жавоҳир Синдоров америкалик Ҳанс Ниеманнга имкониятни бой бериб қўйди.

Бугун, 18 июль куни мукофот жамғармаси 750 минг АҚШ долларидан иборат турнирнинг ғолиблик йўлида Ҳанс Ниеманн Фабино Каруана билан, Аржун Эригаиси Левон Аронян билан финал йўлланмаси учун курашади.

Бугун Нодирбек Абдусатторов қора доналарда Уэсли Сога қарши дона сурса, Жавоҳир Синдоров оқ доналарда Магнус Карлсеннинг қаршилигини енгишга ҳаракат қилади.

Воқеалар ривожидан олдинга ўтиб айтиш лозимки, бугунги ўйинларда ҳамюртларимиз муваффақиятга эришса, кейинги босқичда улар яна бир бор рўбарў келади.

Эслатиб ўтамиз, 21 июлга қадар давом этадиган мазкур турнирда ғолибликка эришган шахматчи 200 минг АҚШ долларига эга чиқади.

Тўлқин Рўзиев,

ЎзА