Америка Қўшма Штатларининг Лос-Анжелес шаҳрида ўтаётган Халқаро велосипедчилар иттифоқи (UCI) таснифига кирувчи C2 классидаги мусобақа қизғин давом этмоқда.

Океан орти пойгаларида дунёнинг етакчи велотрекчилари қаторида Ўзбекистон терма жамоаси аъзолари ҳам ўз омадини синовдан ўтказмоқда.

Лос-Анжелес велотрек мусобақаларида Ўзбекистон миллий терма жамоаси аъзоси Нафосат Козиева кечаги пойгаларда қатнашиб, юқори рейтинг очколарини қўлга киритди.

Ҳамюртимиз велотрекнинг учта йўналишида стартга чиқди. Козиева жаҳоннинг кўзга кўринган 40 нафардан зиёд спортчилари орасида икки йўналишда 4-ўринни банд этди.

Мусобақалар 23 июлга қадар давом этади.

Т.Рўзиев,

ЎзА