Лондонда ёнғин: 8 футбол майдонига тенг ҳудуддаги қуруқ ўт ёнди
Буюк Британия пойтахти Лондонда жорий йил учинчи марта кучли иссиқдан огоҳлантириш эълон қилинди. Шаҳарнинг шарқий қисмида чиққан ёнғин натижасида 56 000 квадрат метрдан зиёд майдон ёнган. Бу тахминан саккизта футбол майдонига тенг.
Ёнғин хизмати маълум қилишича, офатни бартараф этишга 70 нафар ёнғин ўчирувчи жалб қилинган. Мутахассис Даррен Мактернан тушунтиришича, оловни даф қилиш учун махсус тайёрланган, ёнғин ўчоғига яқин масофада ҳаракатлана оладиган техника воситалари жалб этилиб, 475 литр сув сарфланган.
Иссиқ ҳаво сабаб бўлаётган юқори ёнғин хавфи муносабати билан маъмурият аҳолини алоҳида эҳтиёткорликка чақирган.