Корея Республикаси Президенти Ли Чжэ Мён лавозимига киришгандан кейин биринчи марта Миллий хавфсизлик кенгаши йиғилишига раислик қилди ва яна бир бор Пхеньян билан бузилган алоқани тиклашга чақирди. Бу ҳақда "Yonhap" хабар тарқатган.

“Корейслараро тинчлик миллий хавфсизлигимизни ҳимоя қилишнинг энг тўғри ва амалий усулидир”, деди у.

Шунингдек, давлат раҳбари миллий хавфсизликка таҳдиднинг олдини олиш учун ўзгарувчан халқаро тартиб, Жанубий Кореядаги сиёсий вазият ва Шимол билан боғлиқ омилларни кенг муҳокама қилишга чақирди. Ярим оролда “тинчлик ва бирга яшаш”ни мустаҳкамлаш учун ўзаро мулоқот ўрнатишга интилишини билдираркан, Ли КХДР билан "барқарор, узоқ муддатли муносабат" зарурлигини таъкидлади.

М.Пирматова, ЎзА