Shu kunlarda yurtimiz bo‘ylab “Dolzarb 90 kun” loyihasi doirasida turli tadbir va uchrashuvlar bo‘lib o‘tmoqda.

Mazkur loyiha doirasida Jahon iqtisodiyoti va diplomatiya universitetida taniqli tadbirkor va biznes murabbiy Husan Mamasaidovning talabalar bilan “Muzokara madaniyati va undan oldingi holat” mavzusidagi biznes muloqoti bo‘lib o‘tdi.

Muloqotda Husan Mamasaidov ma’ruza qilib, o‘zining hayotiy tajribalari va sinovdan o‘tgan rejalashtirish vositalari bilan o‘rtoqlashdi. Muvaffaqiyatsizliklardan saboq olish va maqsadlarga erishish yo‘llari haqida chuqur tahlilga boy fikrlar bildirdi. 

Tadbir so‘ngida ishtirokchilar o‘zlarini qiynayotgan hayotiy muammolar, kasb tanlash, vaqtni boshqarish, qaror qabul qilishdagi ikkilanishlar haqida fikr bildirdi. Husan Mamasaidovdan amaliy tavsiyalar olishdi.

<iframe width="560" height="315" src="https://www.youtube.com/embed/2dfVoAzoAec?si=Smz8g7L6IWUn6-TX" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Gulnoza Boboyeva, Nishonboy Abduvoitov (video), O‘zA