O‘zbekiston Respublikasi Oila va xotin-qizlar qo‘mitasi mas’ul xodimi Aziza Mahmudova hamda Shofirkon tuman hokimi o‘rinbosari Maqsuda Tilavova mashhur shofirkonlik hunarmand-kashtado‘z Muhabbat Qo‘chqorova xonadonida bo‘ldi.

Tashrif chog‘ida mehmonlar kashtado‘zlar tomonidan qo‘l mehnati asosida yaratilayotgan mahsulotlar bilan tanishdi. Muhabbat Qo‘chqorova bilan muloqot davomida alohida kashtachilik markazini tashkil etish, mahsulotlarni ichki va tashqi bozorlarga yetkazib berish, ularni brendlash va targ‘ib qilish borasida fikr almashildi.

Shuningdek, "Milliy liboslar" chellenji mazkur xonadonda davom etdi. Mazkur tashabbus milliy qadriyatlarni asrash va yosh avlodga yetkazish, hunarmandchilikning mazkur yo‘nalishini keng targ‘ib qilishga xizmat qilmoqda.

Dilorom G‘AFFOROVA,

Respublika Ma’naviyat va ma’rifat markazi

Shofirkon tuman bo‘linmasi rahbari

O‘zA