Волейбол: Ўзбекистон U-16 жамоаси бугун Қозоғистон билан куч синашади
Тожикистон пойтахти Душанбеда волейбол бўйича 16 ёшгача бўлган қизлар жамоалари ўртасида давом этаётган Марказий Осиё чемпионатида Ўзбекистон U-16 қизлар терма жамоаси муваффақиятли иштирок этмоқда.
Мамлакатимиз волейболчи қизлар жамоаси Тожикистон, Қирғизистон, Қозоғистон жамоалари билан ўтган баҳсларда ғалабага бўлган кучли иродасини намойиш этди.
Бугун ҳамюртларимиз турнирнинг финалида Қозоғистон терма жамоасига қарши майдонга тушади.
Финал баҳси нафақат олтин медал учун кураш, балки ёш волейболчиларимизга катта тажриба ва халқаро саҳнада ўзбек волейболининг янгиланаётган авлоди иқтидорини намойиш этиш деганидир.
Тўлқин Рўзиев, ЎзА