Зеленский: Украина ЕИга қўшилиш учун ҳамма нарсага тайёр
Президент Владимир Зеленский Украинанинг Европа Иттифоқига кириши бўйича музокара масаласини илгари суриш учун ҳеч нарсадан қайтмаслигини таъкидлади. Бу ҳақда "Euronews" ёзган.
– Ҳеч ким Украинани бу йўлдан тўхтата олмайди, – деган у. – Ҳаммаси бирликка боғлиқ. Қўлимиздан келадиган барча ишни қиламиз. Шунингдек, бизга бошқа барча етакчиларнинг ҳам ёрдами керак.
Зеленский Дания Бош вазири Метте Фредериксен, Европа кенгаши раҳбари Антонио Коста ва Европа комиссияси етакчиси Урсула фон дер Ляйен билан жараённи янада жадаллаштириш учун суҳбатлашди.
Фредериксен ЕИга қўшилишида Киевни қатъий қўллаб-қувватлашга ваъда берди.
Мусулмон Зиё, ЎзА