Жанубий Корея бир муддат сиёсий инқирозни бошдан ўтказгандан кейин баъзи меъёрларга ўзгариш киритмоқда. Масалан, мамлакат қонунчилари ҳарбий ҳолат тўғрисидаги қоидани қайта кўриб чиқиш учун овоз берди: энди уларнинг Миллий ассамблеяга киришига тўсқинлик қилиш тақиқланади.

BBC хабарига кўра, ушбу қарор собиқ Президент Юн Сoк Ёль ўтган йил декабрь ойида қисқа муддатли ҳарбий ҳолат эълон қилганда юзага келган тартибсизлик туфайли қабул қилинган.

Янги низом армия ва полиция Миллий ассамблеяга спикернинг рухсатисиз киришини ҳам чеклайди.

Мусулмон Зиё, ЎзА