Туркиядаги “Istanbul Fair Center” кўргазма мажмуасида “F-Istanbul” халқаро озиқ-овқат маҳсулотлари кўргазмаси очилди. Жаҳон бозорига озиқ-овқат маҳсулотлари етказиб бериш, савдо ва экспорт имкониятини кенгайтиришга қаратилган мазкур нуфузли тадбирда юзлаб компаниялар, ишлаб чиқарувчилар иштирок этмоқда.

Анжуманда Ўзбекистон Савдо-саноат палатаси ҳамда “Савдони ривожлантириш компанияси” АЖ кўмагида ташкил этилган “Made in Uzbekistan” миллий стенди доирасида юртимизнинг 11 хил маҳаллий озиқ-овқат ишлаб чиқарадиган корхонаси фаол иштирок этмоқда.

Кўргазма 5 июлгача давом этади. 4-айвон CC235-жойда ўрнатилган мамлакатимиз экспозициясига қизиқиш жуда юқори.

Мазкур тадбир тадбиркорларимиз учун халқаро ҳамкорлар билан тўғридан-тўғри алоқа ўрнатиш, экспорт географиясини кенгайтириш, ҳамда “Made in Uzbekistan” брендини жаҳон бозорида илгари суришда муҳим майдон вазифасини ўтамоқда.

М.Пирматова, ЎзА