Бундан 33 йил муқаддам – 1992 йил 2 июль куни “Ўзбекистон Республикаси Давлат герби тўғрисида”ги қонун қабул қилиниб, мустақил мамлакатимизнинг асл тасвирини мужассам этган рамз бутун дунёга кенг намойиш этилди.

Бугун ушбу муқаддас рамзни шу Ватаннинг фарзандиман деган каттаю кичик бирдек қадрлайди. Гербимизга ҳар бир ҳамюртимиз алоҳида эҳтиром билан муносабатда бўлиши эзгу қадриятга айланган.

Шу кунларда Ўзбекистон Республикаси Давлат герби қабул қилинганининг 33 йиллиги муносабати билан жойларда қатор тадбирлар ўтказилмоқда.

Миллий гвардия қўмондонлиги томонидан Заҳириддин Муҳаммад Бобур номидаги Тошкент Марказий эко боғида “Рангларда акс этган Ватан тимсоли” шиори остида ўтказилган ижодий танлов Давлатимиз гербига бағишланди.

Байрам муносабати билан “Долзарб 90 кун” тадбирлари доирасида ташкил этилган тадбир болаларнинг бадиий-ижодий қобилиятларини ривожлантиришга қаратилди. Жажжи болажонлар ўз ижодий ишларида жонажон Ўзбекистонимизнинг гўзал масканларини, давлатимиз рамзларини намойиш этишди.

Болажонлар томонидан яратилган кичик санъат асарлари мамлакатимизда давлатимиз рамзларига ёшларнинг қизиқиши ортаётганини, уларнинг қалбида Ватанга бўлган меҳр ижодларида акс этаётганини кўрсатди.

<iframe width="560" height="315" src="https://www.youtube.com/embed/wFdQdWWmPXs?si=4nhgrSVqJQX6-oye" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Т.Рўзиев,  

А.Аҳмедов (видео)

ЎзА