Бугун, 2 июль куни Хорватиянинг Загреб шаҳрида дунёнинг энг кучли шахматчиларини қамраб олган "Grand Chess Tour" тизимидаги навбатдаги мусобақа – “Rapid & Blitz Croatia” турнирининг 1-тур ўйинлари бўлиб ўтади.

Мукофот жамғармаси 175 минг АҚШ долларидан иборат мазкур турнирда ҳамюртимиз Нодирбек Абдусатторов сингари Магнус Карлсен, Фабиано Каруана, Гукеш Доммаражу, Аниш Гири, Рамешбабу Праггнанандха, Ян-Кшиштоф Дуда, Алиреза Фирузжа, Уэсли Со ва Иван Сарич ғолиблик учун дона суради.

Мусобақа айланма шаклда, рапид ва блиц йўналишларида ташкил қилинади. Ўйинларнинг 9 та тури рапид, 18 та тур баҳслари блицда бўлиб ўтади.

Бугун рапид йўналишида кечадиган 1-турда Нодирбек Абдусатторов қора доналарда Аниш Гири билан куч синашади.

6 июлга қадар давом этадиган турнирда ғолибликка эришган шахматчи 40 минг АҚШ доллари билан тақдирланади.

Т.Рўзиев,

ЎзА