Ўзбекистон Республикаси Қишлоқ хўжалиги вазирлиги, Ўзбекистон Республикаси Олий Мажлиси Сенати ҳамда Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (ФАО) ҳамкорлигида Тошкент шаҳрида “Қишлоқ хўжалиги сиёсатида гендер тенглиги – барқарор қишлоқ ривожланишининг асоси” мавзусида юқори даражадаги Миллий мулоқот бўлиб ўтди.

Тадбирда Олий Мажлис Қонунчилик палатаси ва Сенати аъзолари, Қишлоқ хўжалиги, Иқтисодиёт ва молия, Камбағалликни қисқартириш ва бандлик вазирликлари, Оила ва хотин-қизлар қўмитаси, халқаро ташкилотлар, нодавлат институтлар, илмий доиралар, фермерлар ҳамда аграр олий таълим муассасалари талабалари иштирок этди.

Тадбир Ўзбекистонда қишлоқ хўжалиги соҳаси бўйича илк бор тасдиқланган 2025–2030 йилларга мўлжалланган Гендер стратегияси тақдимотига бағишланди. Бирлашган Миллатлар Ташкилотининг Озиқ-овқат ва қишлоқ хўжалиги ташкилотининг техник кўмагида ишлаб чиқилган мазкур ҳужжат аёлларнинг ерга эгалик ҳуқуқи, молиявий хизматлардан фойдаланиш, раҳбарлик лавозимларидаги иштироки ва қарор қабул қилишдаги ролини кенгайтиришга қаратилган.

Хулоса қилиб айтганда, мазкур Миллий мулоқот Ўзбекистоннинг гендер тенглиги борасидаги халқаро мажбуриятларига содиқлигини яна бир бор тасдиқлади. Шу билан бирга, қишлоқ хўжалигида аёллар иштирокини кучайтириш, ресурслардан фойдаланишда тенгликни таъминлаш ва секторлараро ҳамкорликни мустаҳкамлаш йўлида янги босқичга йўл очди.

<iframe width="650" height="420" src="https://www.youtube.com/embed/c5fNWJ5H5zI" title="Qishloq xo‘jaligida gender tengligi bo‘yicha milliy muloqot o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов