Жорий йилнинг 29 август кунидан 8 сентябрь кунига қадар футбол бўйича "CAFA Nations Cup – 2025" мусобақаси Ўзбекистон ва Тожикистон мамлакатларида ўтади.

Бу йилги нуфузли мусобақада Ўзбекистон, Эрон, Тожикистон, Туркманистон, Афғонистон, Қирғизистон, Уммон ва Малайзия терма жамоалари иштирок этиши тасдиқланди. "CAFA Nations Cup – 2025" турнири учун қуръа ташлаш маросими 3 июль куни Душанбе шаҳрида ўтказилади.

Мазкур турнир икки гуруҳга бўлинган ҳолда ўтказилади. Жумладан, “А” гуруҳидаги ўйинларга мамлакатимиз мезбонлик қилса, “B” гуруҳи баҳслари Тожикистонда бўлиб ўтади.  

Катта эҳтимол билан мусобақа финали Ўзбекистонда ташкил этилиши кутилмоқда.

Жавоҳир Тошхўжаев, ЎзА