Бухорода жадидчиликнинг вужудга келиши ва ривожланиб боришида тараққийпарвар ва маърифатпарвар муаллим, ношир, хаттот ва шоир Абдувоҳид Бурҳонзода Бухорийнинг (адабий тахаллуси Мунзим) хизматлари алоҳида аҳамият касб этади.

ХIХ асрнинг 90-йилларидан Абдулвоҳид Бурҳонов Мунзим тахаллуси билан маърифий шеърлар ёза бошлайди, кейинчалик эса амалий фаолиятида ҳам маърифатпарварлик билан шуғулланади. ХХ асрнинг биринчи ўн йиллигида Мунзим янги усулдаги мактаб очиш учун ҳаракат қила бошлайди. Бухородаги дастлабки жадид мактабининг очилиши ҳам унинг номи билан боғлиқ. У 1908 йили Самарқандга бориб, жадид мактабларидаги ўқитиш услубини Маҳмудхўжа Беҳбудий ва Абдуқодир Шакурийдан ўрганади ва шу йили ўз ҳовлисида жадид мактаби, 1909 йилда эса катта ёшдагилар учун кечки мактаб ташкил этади.

"Жадидлар — миллат қаҳрамонлари" лойиҳасининг бу галги сони маърифатпарвар шоир, давлат ва жамоат арбоби Мирзо Абдулвоҳид Бурҳоновга бағишланади.

<iframe width="650" height="420" src="https://www.youtube.com/embed/15OGRmCdAs8" title="Mirzo Abduvohid Burhonov –Munzim (+video)" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА