Futbol bo‘yicha O‘zbekiston milliy terma jamoasi sardori Eldor Shomurodov keyingi faoliyatini qaysi klubda davom ettirishini e’lon qildi.

“Roma“ safida o‘ziga xos o‘yinlari va gollari bilan ko‘plarning mehrini qozongan Eldor Shomurodov tegrasidagi gap-so‘zlar internet tarmoqlari, ommaviy axborot vositalarida keng yoyildi. Qaysidir nashr uni Turkiyaning “Istanbul Bashakshexir“, yana biri Fransiyaning “Renn“ klubiga o‘tayotgani haqida xabarlar tarqatdi.

Ammo kuni kecha Eldor Shomurodov faoliyatini Italiya chempionatining “A” seriyasida “Kremoneze“ safida davom ettirishga qaror qilganini tasdiqladi.

Italiya futbol nashrlarining axborotiga ko‘ra, joriy yilgi futbol mavsumidan “A” seriyaga qaytgan “Kremoneze“ 29 yoshli E.Shomurodovning transferi uchun 8 million yevro to‘lashga tayyorligini ma’lum qildi.

T.Ro‘ziyev,

O‘zA