Yevropa Komissiyasi rahbari Ursula fon der Lyayen Osiyo davlatlari bilan savdo hamkorligini yo‘lga qo‘yish tashabbusini ilgari surdi. Bu haqda "Euronews" yozgan.

Kecha Bryusselda bo‘lib o‘tgan sammit bahonasida ko‘hna qit’a mas’ullari yana bir bor to‘plangan. Anjumanda joriy global savdo jarayonini yaxshilash uchun JST institutsional tizimi, jumladan vaqtincha to‘xtagan nizolarni hal qilish mexanizmini qayta ko‘rib chiqish imkoniyati muhokama qilingan.

Komissiya rahbari yetakchilarga savdo bitimining turli shakllarini taqdim etdi. Xususan, YeI va Tinch okeani hududidagi 11 davlat va Buyuk Britaniya mintaqaviy savdo uyushmasi - Trans-Tinch okeani hamkorligiga urg‘u berildi.

Fon der Lyayen mazkur tashabbusni global savdo tartibini qayta shakllantirish yo‘lidagi dastlabki jiddiy qadam sifatida baholadi.

Musulmon Ziyo, O‘zA