Joriy yilda 732 ming 411 nafar abituriyent ro‘yxatdan o‘tdi. To‘lovni amalga oshirmaganlar hisobiga test sinovlariga kiruvchilar soni yanada kamayishi mumkin. Bu esa o‘qishga kirish uchun raqobat darajasining pasayishiga olib keladi va natijada kirish imkoniyatlari oshadi.

Abituriyentlarning ta’lim tili bo‘yicha taqsimoti:

O‘zbek tili – 644 ming 27 nafar

Rus tili – 71 ming 476 nafar

Qoraqalpoq tili – 14 ming 959 nafar

Boshqa tillar – 1 ming 949 nafar

Abituriyentlarning gender tarkibi:

Erkaklar – 346 ming 299 nafar

Ayollar – 386 ming 112 nafar

So‘nggi yetti yildagi abituriyentlar soniga qaralganda, 2025 yil eng past ko‘rsatkich bilan ajralib turibdi:

2019 yil – 1 million 66 ming 925 nafar

2020 yil – 1 million 484 ming 85 nafar

2021 yil – 948 ming 211 nafar

2022 yil – 1 million 214 ming 232 nafar

2023 yil – 1 million 18 ming 7 nafar

2024 yil – 894 ming 279 nafar

2025 yil – 732 ming 411 nafar

Eslatma: Abituriyentlar test uchun to‘lovni 26 iyun kuni soat 23:59 ga qadar amalga oshirishlari lozim. To‘lovlarni o‘z vaqtida amalga oshirish va test sinovlariga qatnashish o‘qishga kirish imkoniyatini saqlab qolishda muhimdir.

F.Yaxshiboyeva, U.To‘xtayev. O‘zA