Украина Президенти Владимир Зеленский Гаагадаги НАТО етакчилари саммити доирасида АҚШ етакчиси Дональд Трамп билан учрашди. Бу ҳақда ижтимоий тармоқ орқали маълум қилинган.

Зеленский Трамп билан узоқ ва мазмунли учрашув ўтказганини таъкидлаган:

- Муҳим масалалар кўтарилди. Жаноб Президент ва АҚШга миннатдорлик билдираман. Биз ўт очишни тўхтатиш ва ҳақиқий тинчликка эришиш йўлларини муҳокама қилдик. Халқимизни қандай ҳимоя қилиш мумкинлиги ҳақида гаплашдик. Биз алоҳида эътибор ва тинчликни яқинлаштиришга интилишга тайёрликни қадрлаймиз.