Buyuk Britaniyaning Kent grafligi “Wildwood Devon” nomli hayvonot bog‘ini tark etgan ikki ayiq yaqin atrofda joylashgan do‘kondagi asalni yeb bitirgan.

Maymoq jonivorlar qo‘radan qochib, to‘g‘ri oziq-ovqat do‘koniga yo‘l olgan. Ikki va besh yoshli Mish va Lyusi jamoatchilikka hech qanday xavf tug‘dirmagan holda, mayda tadbirkorning bir haftalik asal zaxirasini paqqos tushirgan. Xayriyat-ki, tajribali qo‘riqchilar bir soatda hayvonlarni boqqa qaytargan.

Ayiqlar uyiga qaytgach, uxlab qolishgan.