Колумбиянинг Медельин шаҳри Белло ва Альтос-де-Орьенте ҳудудида кучли ёмғирдан кейин содир бўлган кўчки оқибатида бир неча уй устига улкан тупроқ уюми қулаган.

Натижада 8 киши ҳалок бўлди, 5 киши касалхонага ётқизилди.

Табиий офат ҳудудига кўплаб қидирув-қутқарув ва ўт ўчириш гуруҳлари етиб борган. Эҳтимолий хавф-хатарга қарши чора сифатида ўн хонадон эвакуация қилинди.

Медельин мэри Федерико Гутьеррес фожиадан сўнг дарҳол муҳтожларга кўмак берила бошланганини айтди.

Колумбияда март ойидан бери давом этаётган кучли ёмғир аксар ҳудудларга моддий зарар етказяпти.