Мамлакатимизда экологик тоза, арзон ва қайта тикланувчи энергия манбаларини кўпайтириш ҳамда мавжуд қувватларни оширишга алоҳида эътибор қаратилмоқда.

Айни мақсадларда “Ўзбекгидроэнерго” акциядорлик жамияти томонидан маҳаллийлаштириш дастури доирасида ҳудудларда кичик ва микро шаклдаги янги ГЭСлар барпо этилиб, фойдаланишга топширилмоқда.  

[gallery-23971]

Президент Шавкат Мирзиёев Қашқадарё вилоятига ташрифи доирасида Шаҳрисабз туманидаги “Ҳисорак” сув омбори яқинида янгидан барпо этилган Ҳисорак кичик ГЭСи фаолияти билан танишди.  

Маълумот ўрнида айтиш мумкин, “Ҳисорак” сув омбори 1987 йилда қурилган бўлиб, 2004 йилда капитал реконструкция қилинган.  

Ҳудудда 2011 йилда ишга туширилган қуввати 45 МВт бўлган асосий Ҳисорак ГЭСи ҳам мавжуд. Бу йилига тахминан 80 миллион кВт/соат электр энергияси ишлаб чиқаради. Бу эса ўртача ҳисобда 33 минг хонадоннинг йиллик электр энергияси эҳтиёжини қоплайди.  

Видеоси қуйидаги манбада...  

<iframe width="560" height="315" src="https://www.youtube.com/embed/8SQBG9QMteA?si=Qt9c2tQu7vupr0D4" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ,Носиржон Ҳайдаров (сурат),

ЎзА