“Евроньюс” ёзишича, Эрон олий раҳнамоси Оятуллоҳ Али Ҳуманаий АҚШнинг таслим бўлиш тўғрисидаги чақириғини кескин рад этиб, Вашингтонни огоҳлантирган.

– Агар Исроил томонда туриб зиддиятга қўшилса, АҚШ мислсиз зарар кўради, – деган Эрон етакчиси. – Бу зиён Эронникига нисбатан анча жиддий бўлади.

Мазкур баёнот Президент Дональд Трампнинг ижтимоий тармоқдаги Эрондан “сўзсиз таслим бўлиш” талаб қилинган, шунингдек Қўшма Штатлар Ҳуманаийнинг қаердалигини билиши, лекин “ҳали уни йўқ қилиш режаси йўқлиги” қўшимча қилинган чиқишига жавобан янгради.

Исроил ҳарбийлари айтишича, Эронга берилган сўнгги зарбалар натижасида уран билан боғлиқ ва ракета эҳтиёт қисмлари ишлаб чиқарилувчи заводлар зарар кўрган. Хабарларда Теҳрон нисбатан камроқ ракета учираётгани ҳам қайд этилган. Бундай сустликнинг сабабини эса икки томон ҳам изоҳламаган.

<iframe width="650" height="420" src="https://www.youtube.com/embed/1-DADhWPfBU" title="Humonaiy: Mojaroga qo‘shilish AQSHga ziyon keltiradi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

К.Бекжонов, ЎзА