Бугун, 19 июнь куни Венгрия пойтахти Будапештда жаҳон чемпионатининг сўнгги еттинчи кунги беллашувлари бўлиб ўтади.

Ортда қолган олти кунлик мусобақалар давомида Ўзбекистон терма жамоаси аъзоларининг 2 нафари 5-ўрин билан кифояланди.  

Бугун эркаклар +100, аёллар +78 кг. вазн тоифаларида баҳс олиб боради. +100 килограммда 33 нафар, +78 кило оғирликда 31 нафар спортчи ғолибликка даъвогарлик қилмоқда.  

Кун давомида "Париж-2024" Олимпия ўйинлари совриндори Алишер Юсупов, жаҳон чемпиони Музаффарбек Тўрабоевва, шунингдек, Ирисхон Қурбонбоева медаллар учун кураш олиб боради.  

Алишер Юсуповнинг саралаш беллашувларидаги илк рақиби сенегаллик Мбагник Ндиае бўлса, Музаффарбек Тўрабоев нидерландиялик Юр Спийкерс билан рўбарў келади. Терма жамомиз аъзоси Ирисхон Қурбонбоева италиялик Эрика Симонетти қаршилигини енгиб ўтишга ҳаракат қилади.  

Медаллар жамғаришда Япония терма жамоаси 6 та олтин, 3 та кумуш, 4 та бронза медали билан етакчилик қилмоқда. Кейинги ўринларни банд этган IJF байроғи остидаги жамоа ва Италия ҳисобида 2 тадан, Франция ва Грузия терма жамоалари ҳисобида 1 тадан олтин медаль мавжуд.  

Т.Рўзиев, ЎзА