ФОТОРЕПОРТАЖ

Ўзбекистон тарихда илк бор спорт гимнастикаси бўйича энг нуфузли халқаро мусобақалардан бири – Халқаро гимнастика федерацияси шафелигида ўтказиладиган “World Challenge Cup” босқичига мезбон бўлмоқда. 

Мусобақада Жазоир, Арманистон, Болгария, Хорватия, Германия, Гонконг, Исландия, Жанубий Африка, Хитой Тайпейи, Туркия, Украина, Қозоғистон ва Ўзбекистондан 65 нафар етакчи гимнастикачи иштирок этяпти.

[gallery-23954]

Спорт гимнастикаси бўйича ўтказилаётган нуфузли мусобақада мамлакатимиз шарафини Оксана Чусовитина, Солиҳа Турсунбоева, Шаҳинабону Юсупова, Одинахон Робижонова, Хумоюн Исломов, Алишер Бойсаров, Равшан Комилжонов, Озотилла Абдурасулов, Ахрорхон Темирхонов, Абдулазиз Мирвалиев каби иқтидорли спортчиларимиз ҳимоя қилади.

Жаҳон кубоги босқичининг Тошкент шаҳрида ўтказилиши бутун мамлакатимиз спорт жамоатчилиги учун муҳим воқеа бўлиб, республикада спорт гимнастикаси ривожида муҳим қадам бўлиши, шубҳасиздир.

“World Challenge Cup” босқичи 21 июнга қадар давом этади.

Муҳаммад АМИН (сурат), ЎзА