Joriy yilning 20 iyul kuni Qirg‘izistonning Bishkek shahrida professional boks kechasi tashkil etiladi.

Unda hamyurtimiz boks bo‘yicha ikki karra Olimpiya o‘yinlari g‘olibi Hasanboy Do‘smatov o‘zining yettinchi jangini o‘tkazadi. Boks oqshomida charm qo‘lqop ustamizga professional ringda 8 ta bellashuv o‘tkazib, mag‘lubiyatga uchramagan filippinlik Richard Laspona qarshilik ko‘rsatadi.

Eslatib o‘tamiz, H.Do‘smatov shu kunga qadar professional boksda jami 6 ta jang o‘tkazgan bo‘lib, ularning barchasida g‘alaba qozongan. Hasanboy so‘nggi jangini 2023 yilning noyabr oyida Rossiyada o‘tkazgan va unda JAR vakili Sipxamandla Baleni ustidan ochkolar hisobiga ko‘ra zafar quchgan edi.  

Javohir Toshxo‘jayev,

O‘zA