Hindistonlik taniqli milliarder, Britaniya shahzodasi Uilyamning do‘sti Sanjay Kapur polo o‘yini chog‘i tomog‘iga ari kirib ketgach, yurak xurujiga uchrab vafot etdi. Bu haqda “Mirror” gazetasi yozgan. Fojia Buyuk Britaniyada yuz bergan.

Nashr qayd etishicha, 53 yoshli Kapur og‘ziga kirib olgan ari chaqishi bilan bir zumda hushini yo‘qotgan.

Qirollikda tahsil olayotgan hindistonlik tadbirkor o‘limidan bir necha soat oldin “Air India” aviakompaniyasiga qarashli “Boeing 787-8”  halokatida qurbon bo‘lganlar xotirasiga hurmat bajo keltirgandi.

Sanjayning uch farzandi – Bollivud yulduzi Karishma Kapur bilan nikohdan tug‘ilgan 20 yoshli qizi Samayra va 14 yoshli Kian hamda ikkinchi xotini, model Priya Sachdevdan yetti yoshli o‘g‘li qoldi.