Avstriyaning Insburk shahrida taekvondo WT bo‘yicha kattalar o‘rtasida G1 tasnifidagi "Austrian Open" xalqaro ochiq turniri boshlandi.

Mazkur musobaqada dunyoning turli mamlakatlaridan kelgan 800 nafarga yaqin taekvondochilar kadet, yoshlar va kattalar yosh toifasida o‘zaro raqobatlashmoqda. Quvonarlisi, turnirda Pavel Xan boshchiligidagi O‘zbekiston milliy terma jamoasi 27 nafar taekvondochi bilan medallar uchun raqobatlashmoqda.

Quyida musobaqada ishtirok etadigan sportchilarimiz bilan tanishasiz:

Erkaklar: Dilmurod Ma’rufjonov, Kamron Mansurov, Mirdiyor Mirayimov, Jahongir Xudoyberdiyev, Omonjon Otajonov, Nazarali Nazarov, Shamsiddin Qurbonov, Islom Rajabov,  

Shohjahon Karimboyev, Azizbek Abduqodirov, Shohjahon Ahmedov, Diyorbek To‘xliboyev, Najmiddin Qosimxojiyev, Yodgor Jo‘raboyev va Marat Mavlonov.

Ayollar: Diyora Azizova, Zuhra Tojimatova, Dilnoza Tangirova, Madina Shoniyozova,

Shabbona Abduvaliyeva, Laylo Hasanova, Madina Mirabzalova, Sevinch Hayitova, Sabrina Pardayeva, Ozoda Sobirjonova, Svetlana Osipova hamda Iroda Mirtojiyeva.

Ayni damda sportchilarimiz kattalar yosh toifasidagi turnirning dastlabki davra bahslarini o‘tkazmoqda.

Javohir Toshxo‘jayev, O‘zA