Пойтахтимизда 10-12 июнь кунлари бўлиб ўтган IV Тошкент халқаро инвестиция форуми доирасида «Микрокредитбанк» АТБ халқаро миқёсдаги бир қатор нуфузли молия муассасалари ва компаниялар билан самарали музокаралар олиб борди.

Жумладан, Хитой Халқ Республикасининг ICBC Standard Bank Plc (Буюк Британиядаги филиал) билан 15 миллион Евро миқдорида депозит жалб қилиш бўйича шартнома имзоланди.

Шунингдек, Mashreq Bank (БАА) билан ҳам ўзаро англашув меморандуми имзоланди. Унга кўра, банк халқаро молия бозори орқали 30 миллион АҚШ доллари миқдорида тўғридан-тўғри кредит линиясини жалб қилиш юзасидан келишувга эришди.

Яна бир ўзаро англашув меморандуми (Memorandum of Understanding (MoU) АҚШнинг SEAF (Small Enterprise Assistance Funds) фонди томонидан бошқариладиган Ўзбекистон иқтисодий имкониятларни кенгайтириш жамғармаси (Economic Empowerment Fund for Uzbekistan (EEFU) билан имзоланди ва 25 миллион АҚШ доллари миқдорида маблағ жалб қилишга келишиб олинди.

Таъкидлаш керакки, SEAF кичик корхоналарни қўллаб-қувватловчи инвестиция жамғармаси бўлиб, Ўзбекистонда ислом молиялаштириш йўналишида кичик ва ўрта бизнес корхоналарини қўллаб-қувватлаш учун тўғридан-тўғри кредит линияларини жалб қилишга кўмаклашади.

Бу келишувлар Микрокредитбанкнинг халқаро майдондаги нуфузи ошиб бораётганини, инвесторлар ишончини қозонаётганини ва мамлакат иқтисодиёти ривожига қўшилаётган ҳиссасини яна бир бор тасдиқлайди.

Банк Ахборот хизмати

Реклама ҳуқуқи асосида