Tailandda o‘tkazilayotgan para kanoe bo‘yicha Osiyo chempionatining ikkinchi kungi bahslari yakunlandi. Unda O‘zbekiston terma jamoasining 8 nafar vakili startga chiqib, yakunda 7 ta medalni qo‘lga kiritdi.

Dastlab, kunduzgi dasturlarda hamyurtlarimiz 2 ta oltin va 3 ta kumush medalga ega chiqdi. Kechgi dastur bahslarining VL3 500 klassida ishtirok etgan Shahzoda Mamadaliyeva barcha raqiblaridan ustun keldi. Ushbu yo‘nalishdagi erkaklar o‘rtasida Hasan Qo‘ldoshev kumush medalni qo‘lga kiritdi.

Shu tariqa, Osiyo chempionatining ikkinchi kunida 3 ta oltin va 4 ta kumush, jami 7 ta medal qo‘lga kiritildi. Hozircha delegatsiyamiz hisobida jami 5 ta oltin va 4 ta kumush medali mavjud.

Javohir Toshxo‘jayev,

O‘zA