Сир эмас, узоқ йиллар давомида фуқаролар ногиронлик белгилаш учун қаерга боришни, кимга учрашишни, қанақа ҳужжатлар топширишни билмасдан ногиронлик белгилари бўлса ҳам узоқ вақт Тиббий-ижтимоий экспертиза комиссияси (ТИЭК) кўригига бора олмасдан юрган.

Ҳужжатларни ТИЭКга тақдим этишда тўсиқларнинг кўплиги, беморлар касаллигидан қатъи назар 4 - 6 ой муддат давомида даволанганидан сўнг барча текширувлардан ўтиб, кейин ТИЭКга юборилиши, даволанишга пул тўлаши ортиқча харажатга олиб келган. Ҳатто ногиронлик белгилари аниқ кўриниб турган, нуқсони бор, аҳволи оғир фуқаролар ҳам сарсон бўлиб ортиқча оворагарчилик билан тиббий ҳужжатлар тайёрлаб, даволаниб кейин ТИЭКга юборилар эди. 

Мавжуд муаммоларга барҳам бериш ҳамда фуқароларга енгиллик яратиш мақсадида ногиронликни белгилаш бўйича Ягона интерактив давлат хизматлари портали, “Инсон” ижтимоий хизматлар марказлари, ижтимоий ходимлар орқали ёки оилавий шифокорларга мурожаат қилиш имкониятлари яратилди. Фуқароларнинг тиббий ҳужжатларини ТИЭКга юбориш яшаш жойидаги оилавий шифокорлар томонидан электрон тарзда амалга оширилиши йўлга қўйилди. 

Қуйида соҳада амалга оширилган ўзгаришлар хусусида мутахассислар ва беморлар фикрларини ҳавола қиламиз.

<iframe width="650" height="420" src="https://www.youtube.com/embed/gT3kH7Giq10" title="Fuqarolarga nogironlik belgilashda qanday yengilliklar berildi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Тошқораева, ЎзА