Бугун Тошкент халқаро инвестиция форумининг учинчи кунги тадбирлари бўлиб ўтмоқда.

Кўргазмада нефть-кимё, машинасозлик, қурилиш, озиқ-овқат маҳсулотларини қайта ишлаш ва бошқа жадал ривожланаётган тармоқларда фаолият олиб бораётган 90 та йирик компания ўз стенд ва лойиҳалари билан қатнашмоқда.   

Кўргазманинг асосий мақсади эса халқаро инвесторлар ва маҳаллий ишбилармон доира вакиллари ўртасида тўғридан-тўғри мулоқот учун майдон яратиш, ҳамкорлик имкониятларини кенгайтириш ҳамда тайёр инвестиция лойиҳаларини амалиётга татбиқ этишдан иборат. Шу орқали Ўзбекистондаги қатор тармоқларда янги инвестициявий истиқболлар очилиши кутилмоқда.   

Ташкилотчиларнинг таъкидлашича, кўргазмада тақдим этилаётган лойиҳалар юқори технологиялар, экспортбоп маҳсулотлар ишлаб чиқариш ва барқарор иқтисодий ўсишни таъминлашга йўналтирилган. Кўплаб инвесторлар ушбу имкониятларни яқиндан ўрганиб, ҳамкорлик бўйича музокаралар олиб бормоқда.   

[gallery-23878]

Мазкур кўргазма нафақат инвестицион муҳитни яхшилаш, балки маҳаллий маҳсулотларни халқаро бозорга олиб чиқишда муҳим қадам бўлиб хизмат қилиши шубҳасиз.  

<iframe width="640" height="420" src="https://www.youtube.com/embed/8Ssq9io2R-8" title="O`zbekiston milliy ko`rgazmasi forum ishtirokchilarining qiziqishini orttirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Насиба Зиёдуллаева,

Анвархўжа Аҳмедов (монтаж), ЎзА