Ҳиндистонда йўловчи самолёти ҳалокатга учради
Бугун “Air India” авиакомпаниясининг Лондонга учаётган самолёти Ҳиндистоннинг Аҳмадобод аэропорти яқинида ҳавога кўтарилганидан кўп ўтмай бахтсиз ҳодисага учради.
Boeing 787-8 Dreamliner самолётида 242 киши, жумладан 230 йўловчи ва 12 экипаж аъзоси бўлган. Учоқ қулаган ҳудуддан олинган тасвирларда ҳавони қоплаган қуюқ қора тутун акс этган. Ҳозирча қурбонлар ҳақида аниқ маълумотлар йўқ.
Ҳалокатдан сўнг, воқеа жойига дарҳол фавқулодда хизматларнинг еттита ўт ўчириш машинаси етиб келган. Манбага кўра, самолёт бинолар устига қулаган.
“India Today” нашри Гужарат собиқ бош вазири Вижай Рупани ҳам жабрланувчилар ичида бўлганини қайд этди.
Мусулмон Зиё, ЎзА