АҚШ вақтинча Хитойнинг айрим маҳсулотларига божни бекор қилди
АҚШ Савдо вакили Хитойнинг айрим товарлари учун жорий йил 31 майда муддати тугаган 301-бўлим тариф имтиёзини 31 августгача узайтирди. Бу ҳақда "Green Worldwide" хабар берди.
Тегишли рўйхатга телекоммуникация ва аэро фазо ускуналари, тиббий асбоблар учун қурилма ва бутловчи қисмлар, қуёш панели ишлаб чиқариш хом ашёси киритилган.
Тарифни пасайтириш назарда тутилган 90 кунлик муддат 14 августда тугайди. Бошқа музокара ўтказилмаса, АҚШнинг Хитой маҳсулотларига божи 30 фоиздан 145 фоизга, Хитойнинг АҚШ товарларига божи эса 10 фоиздан 125 фоизга кўтарилиши қайд этилган.