Мухолифат етакчиси Ли Чже Мён Корея Республикасида ўтказилган навбатдан ташқари президентлик сайловида ғалаба қозониб, мамлакатнинг янги етакчиси сифатида қасамёд қилди. Бу ҳақда CNN ёзган.

Расмий натижа шуни кўрсатдики, Ли асосий рақиби, консерватив Халқ кучи партияси вакили Ким Мун Судан қарийб уч миллион кўп овоз йиққан.

Ким мағлубиятни тан олиб, Лини ғалаба билан табриклади ва "халқ қарорини камтарлик билан қабул қилиши"ни таъкидлади. Сайланган Президент Сеулда йиғилганларга мурожаат қилиб, иқтисодиётни тиклаш учун ишлаш, ҳеч қачон ҳарбий тўнтариш бўлмаслигини таъминлашга ваъда берди.

Айни пайт Жанубий Кореянинг экспортга йўналтирилган иқтисодиёти АҚШ Президенти Дональд Трампнинг тариф сиёсати ва эҳтимолий турғунлик билан боғлиқ глобал вазиятга қарши туриш учун жиддий тўсиқларни енгиб ўтиши зарур.

Мусулмон Зиё, ЎзА