Республикачи Линдси Грем ва демократ Ричард Блументал Парижда Президент Владимир Зеленский билан учрашгандан сўнг ўз фикрлари билан ўртоқлашди, деб ёзди “Politico” нашри.

– АҚШнинг кенг қамровли санкция тўғрисидаги қонуни лойиҳаси Ғарб учун Кремль урушга йўналтираётган иқтисодиётни бўғишга қаратилган сўнгги имконият бўлиши мумкин, – дейди сенаторлар.

Грем Путин ҳақида гапираркан, “билганим шуки, у урушга кўпроқ тайёрланяпти”, деди. Блументал эса, “Путин ва бутун дунё учун инқироз даври келди, чунки Россия янги ҳужум бошлади”, дея хавотир билдирган.

Айни ташаббус замирида, деярли, бутун Сенат томонидан қўллаб-қувватланган, Вашингтонда эса ноаниқ қарама-қаршиликка дуч келаётган икки партиявий санкция тўғрисидаги қонун бор. Мазкур ҳужжат орқали Россиянинг нефть, газ, уран ва бошқа маҳсулотларини сотиб олишда давом этаётган мамлакатларга 500 фоиз тариф жорий қилиниши назарда тутилади.

Грем ҳужжатни “Сенатда мен кўрган энг даҳшатли қонун лойиҳаси” деб атади. 

Мусулмон Зиё, ЎзА