Ўзбекистон Республикаси Судьялар олий кенгаши, Олий суд ва Судьялар олий мактаби томонидан жаҳон тажрибасини ўрганиш ва миллий медиация тизимини янада такомиллаштиришга бағишланган муҳим воқелик – “Медиация институти ривожланишининг замонавий тенденциялари ва суд амалиёти” мавзусидаги халқаро илмий-амалий конференция бўлиб ўтди.

Анжуманда Ўзбекистон Республикаси Олий Мажлиси Қонунчилик палатаси ва Сенати аъзолари, Олий суд ва Судьялар олий кенгаши раҳбарияти, судьялар, профессор-ўқитувчилар, докторантлар ҳамда оммавий ахборот воситалари вакиллари иштирок этишди. Шунингдек, конференцияда нафақат Ўзбекистон, балки Туркия, Қирғизистон, Озарбайжон ва Қозоғистон каби мамлакатларнинг юқори малакали судьялари, медиаторлар, ҳуқуқшунос олимлар ва таҳлилчилар фаол қатнашиб, ўз мамлакатларида медиация институтининг ривожланиш тарихи, ҳуқуқий асослари ва амалиёти ҳақида фикр алмашишди.

Анжуман давомида савол-жавоблар ва мунозаралар бўлиб ўтди. Қатнашчилар томонидан медиацияни ривожлантириш бўйича самарали илмий-амалий тавсиялар билдирилди. Халқаро тажриба ва миллий амалиётни уйғунлаштириш орқали суд тизимида юзага келадиган юкламани камайтириш, жамиятда муросага тайёрлик руҳини мустаҳкамлаш масалалари муҳокама этилди. Ушбу анжуман нафақат ҳуқуқ соҳаси мутахассислари, балки кенг жамоатчилик учун ҳам медиациянинг моҳияти ва имкониятларини ёритиб беришда муҳим қадам бўлди.

<iframe width="650" height="420" src="https://www.youtube.com/embed/pUeVYniaxA0" title="Mediatsiya instituti rivojlanishining zamonaviy tendensiyalari muhokama qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, Н. Абдувоитов (видео), ЎзА