Yangi O‘zbekistonning ertangi kuni bugungi maktab ostonasidan boshlanadi. Farzandlarimiz dunyo miqyosida raqobatbardosh mutaxassis bo‘lib yetishishi, o‘zlarining munosib o‘rnini topishi ko‘p jihatdan aniq va tabiiy fanlarni puxta o‘zlashtirishi bilan bog‘liq. Bu jarayon ta’lim tizimi sifati va samaradorligini ta’minlashni talab etadi. Shu nuqtai nazardan respublikamizda so‘nggi yillarda Uchinchi Renessans poydevorini yaratish maqsadida amalga oshirilayotgan tub islohotlar jamiyatda maktabga munosabatni sezilarli darajada ijobiy tomonga o‘zgartirdi.

Abdulla Avloniy nomidagi pedagogik mahorat milliy instituti va “ Science and Innovation” xalqaro ilmiy jurnali hamkorligida ashkil etilgan “Aniq va tabiiy fanlarni o‘qitishga zamonaviy yondashuv: muammo va yechimlar” mavzusidagi xalqaro ilmiy-amaliy anjuman ham ayni jarayonning uzviy davomi, deyish mumkin.

Tadbirda sohadagi mavjud muammolarni tahlil qilish va hal etish, ilg‘or pedagogik texnologiya va innovatsion uslublarni ta’lim jarayoniga tatbiq etish yo‘llari muhokama qilinmoqda. Shuningdek, turli mamlakatlar mutaxassislari o‘rtasida tajriba almashinuvini yo‘lga qo‘yish orqali xalqaro hamkorlikni mustahkamlash, ilmiy asoslangan strategiya va amaliy tavsiyalar ishlab chiqish ko‘zda tutilgan.

<iframe width="560" height="315" src="https://www.youtube.com/embed/GgdrkR4vSJ4?si=xxzrIPnK_bFAdH4O" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Musulmon Ziyo,

Doniyor Yoqubov (video),

O‘zA