АҚШнинг Лас-Вегас шаҳрида ташкил этилган профессионал бокс оқшомининг марказий жангида энг ўрта вазн тоифасида ҳамюртимиз Бектемир Мелиқўзиев WBA Eliminator камарини қўлга киритиш йўлида америкалик Дарьюс Фулгхэм билан жанг ўтказди.

12 раундга мўлжалланган жанг тўлиқ давом этди. 7-раундда ҳакамлар Бектемирдан очко олиб ташлади, 12-раундда эса рақибини нокдаунга учратди. Мураккаб ва руҳий курашлар остида кечган жангда ҳамюртимиз ғалабани тантана қилди.

Ушбу жангдаги устунлиги эвазига Б.Мелиқўзиев Сауль Альвареснинг камари учун даъвогарлардан бири мақомига кўтарилди.

Эслатиб ўтамиз, WBA Super чемпионлик камари Сауль Альваресга тегишли. АҚШлик Кейлеб Плэнт эса вақтинчалик чемпион ҳисобланади.  

Бундан ташқари кубалик маҳоратли боксчи Увел Эрнандес WBA Gold камари соҳиби саналади. Бу - чемпионлик йўлида ҳамюртимизнинг рақиблари келгусида кимлар бўлиши мумкинлигига бир оз бўлса-да ойдинлик киритмоқда.

Т.Рўзиев,

ЎзА