Kuni kecha “Transfermarkt” nashri Angliya premer ligasi futbolchilarining yangilangan narxlarini e’lon qildi.

Unga ko‘ra, eng katta yuksalish “Nyukasl“ hujumchisi Aleksander Isakka tegishli bo‘ldi. O‘tgan o‘yinlardagi natijadorligi sababli uning narxi 20 million yevroga oshib, Aleksander Isakning narxi 120 million yevroga oshdi. Eng katta tushish “Manchester Siti“ futbolchisi Fil Fodenga tegishli. Yarim himoyachining narxi 30 million yevroga sho‘ng‘igan holda endilikda 100 million yevroni tashkil etmoqda.

O‘zbekiston terma jamoasi a’zosi, hozirda “Manchester Siti” himoyachisi bo‘lgan iste’dodli futbolchimiz Abduqodir Husanovning narxi o‘zgarishsiz qoldi - 35 million yevro.

T.Ro‘ziyev,

O‘zA