Куни кеча “Transfermarkt” нашри Англия премьер лигаси футболчиларининг янгиланган нархларини эълон қилди.

Унга кўра, энг катта юксалиш “Ньюкасл“ ҳужумчиси Александер Исакка тегишли бўлди. Ўтган ўйинлардаги натижадорлиги сабабли унинг нархи 20 миллион еврога ошиб, Александер Исакнинг нархи 120 миллион еврога ошди. Энг катта тушиш “Манчестер Сити“ футболчиси Фил Фоденга тегишли. Ярим ҳимоячининг нархи 30 миллион еврога шўнғиган ҳолда эндиликда 100 миллион еврони ташкил этмоқда.

Ўзбекистон терма жамоаси аъзоси, ҳозирда “Манчестер Сити” ҳимоячиси бўлган истеъдодли футболчимиз Абдуқодир Ҳусановнинг нархи ўзгаришсиз қолди - 35 миллион евро.

Т.Рўзиев,

ЎзА