Пойтахтимиздаги “Saxovat Sport Servis” спорт мажмуасида ўтаётган М15 тоифасига кирувчи халқаро теннис турнирининг яккалик баҳсларида чорак финал баҳслари якунланди.
Унда ҳамюртимиз Сергей Фомин нейтрал мақомдаги теннисчи Антон Чеховни 6:2, 6:0 ҳисобида таслим этди ва ярим финалда япониялик Рента Токуда билан куч синашадиган бўлди.
Шу ўринда, С.Фомин мазкур турнирнинг жуфтлик баҳсларида украиналик шериги Владислав Орлов билан тандемда финал босқичига йўл олди ва бош соврин учун ўтадиган ўйинда ҳиндистонлик Исҳоқ Иқбол ва Нитин Кумар Синҳ жуфтлигига қарши кортга чиқиш ҳуқуқини қўлга киритди.
Яккалик баҳсларига қайтадиган бўлсак, ёш теннисчимиз Максим Шин ҳиндистонлик Мадвин Каматни 6:2, 6:3 ҳисобида таслим этди. Афсуски, яна бир вакилимиз Амир Милушев кутилмаганда италиялик Лорензо Лоруссога имкониятни бой бериб қўйди. Натижада, Максим ва Лорензо ярим финалда рақобатлашиши аниқланди.
Жавоҳир Тошхўжаев,
ЎзА