Немис олимлари илм-фан тарихида илк бор қоронғуда порлаб турувчи генетик модификацияланган ўргимчакларни яратишга муваффақ бўлишди. Бу ютуқ биология ва биоматериаллар соҳасида янги уфқларни очиши мумкин.

Тажриба давомида олимлар ўргимчак тухумларига махсус ДНК кодловчи эритма киритиш орқали уларнинг генетик тузилмасини ўзгартирди. Натижада, ўргимчаклар қизил рангда порлаб турувчи тўр тўқий бошлади. Бу модификация нафақат ташқи хусусиятларни, балки ўргимчак тўрининг физик-кимёвий сифати — мустаҳкамлиги, эластиклиги ва парчаланиш даврини ҳам бошқариш имконини беради.

Келажакда бу технология тиббиёт, хусусан жарроҳликда катта қўлланилишга эга бўлиши мумкин. Масалан, сўриладиган ва индивидуал эҳтиёжларга мослаштирилган жарроҳлик ипларини ишлаб чиқиш, биологик тўқималарни тиклашда фойдаланиладиган сунъий материаллар яратиш режалаштирилмоқда.

Мазкур тажриба замонавий ген муҳандислиги соҳасида навбатдаги муҳим қадам бўлиб, тирик организмлар орқали функционал материаллар ишлаб чиқариш имкониятларини кенгайтиради. Шу билан бирга, бундай тажрибалар атроф-муҳит ва этик меъёрларга оид янги саволларни ҳам юзага чиқариши мумкин.

<iframe width="650" height="420" src="https://www.youtube.com/embed/MaKjQ56yL4I" title="Nemis olimlari tun zulmatida porlaydigan to‘r yasadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов, ЎзА