“Янги Ўзбекистон” университетида “Бир кун спорт билан” шиори остида волейбол, стритбол, масс-рестлинг, стол тенниси, шахмат бўйича “Ректор кубоги” мусобақалари ўтказилди.

Университет профессор-ўқитувчилари ва ходимлари ўртасида ўтказилган мазкур мусобақанинг волейбол баҳсларида Молиявий ва маъмурий ишлар техник жамоаси ғолиб бўлган бўлса, Ўқув ишлари жамоаси ва Молиявий ва маъмурий ишлар йўналиши жамоаси кучли учликдан жой олди. Стритбол беллашувларида Ўқув ишлари жамоасига тенг келадигани топилмади.

Масс-рестлинг бўйича ўтган мусобақада Темирбўлат Далматов,  стол теннисида Жавоҳир Хурсандов, шахмат учрашувларида Алишер Санетуллаев “Ректор кубоги” ғолибига айланди.

Жавоҳир Тошхўжаев,

ЎзА