Qirg‘izistonda Xalqaro tennis federatsiyasi musobaqalari taqvimidan joy olgan J30 tasnifiga kiruvchi musobaqada yosh tennischilarimiz muvaffaqiyatli start oldi.

Yakkalik bellashuvlarining birinchi bosqichida hamyurtlarimizdan Alan Zinatulin ukrainalik Nazariy Saliyevni har ikkala setda bir xil 6:1 hisobida yenggan bo‘lsa, yana bir tennischimiz Nikita Gafurov yaponiyalik Ippey Matsushivani 6:2, 6:3 hisobida taslim qildi.  

Shu tariqa, ikkinchi davraga chiqqan Alan Zinatulin chorak final ostnasida qozog‘istonlik Damir Duisengazinga qarshi raqobatlashadi. Nikita Gafurov esa nimchorak finalda qozog‘istonlik Nikita Nikolenko bilan bahs olib boradi

Javohir Toshxo‘jayev, O‘zA