So‘nggi bir necha kun ichida yuzlab odamlar o‘limiga sabab bo‘lgan G‘azodagi harbiy harakatlar tufayli Isroilga xalqaro miqyosda bosim kuchaymoqda. Bu haqda CNN yozdi.

Birlashgan Qirollik, Fransiya va Kanada yetakchilari agar Isroil hujumni to‘xtatmasa, sektorga yordamni to‘sishda davom etsa, “aniq harakat”, jumladan maqsadli sanksiya qo‘llanishi bilan tahdid qildi.

Oldinroq yahudiy davlati askarlari G‘azoning shimoliy va janubiy qismiga “Gidion aravalari” nomli amaliyot boshlagan. Quruqlikdagi bosqin hududga qarata bir necha kun davom etgan kuchli havo hujumidan so‘ng amalga oshirildi. Sog‘liqni saqlash idoralari ma’lumotiga ko‘ra, shu paytgcha juda ko‘p oilalar qirib tashlangan.

So‘nggi bir haftada anklav bo‘ylab havo hujumi to‘lqinida 670 dan ziyod XAMAS nishoniga zarba berilgan.